عودة الشهامة

متى تعود الشهامة التى كان تميز الرجل المصرى فالشهامة لم تعد موجودة فى القاموس الإنسانى فالكل ينهش ولا يدافع ،فالمراة تتعرض للتحرش الجنسى والبهدلة نعم البهدلة بما تحمله الكلمة من قسوة وغلاظة ،فالشباب لا تكف عن معاكسة الفتيات والسيدات حتى السيدات الكبيرة لم تسلم من هذه المعاكسات فحتى المعاكسات لم تعد مثل زمان ،فالمعاكسة زمان كانت بكلمة جميلة تقال للفتاه أما الآن فالمعاكسة أصبحت بالأيدى واللمس أنا مش بدافع ولا ببرر المعاكسات زمان ولكن على الأقل كانت محترمة عن النهاردة ، فده مش عيب؟الكل لازم يحترم نفسه بقى مبقناش نحس بالأمان فى اى مكان ،فمتى تعود الشهامة ؟متى يستيقظ الرجل المصرى من غفلته ومن الأنصياع إاى شهواته وغرائزه ،هل سنعاود نرى رجل بما تحمله الكلمة من معانى يدافع عن المراة فى الشارع او اى مكان ؟هل سنعاود نرى ابن البلد المصرى الذى يدافع عن بنت بلده مثل زمان؟ ياريت ، وقول للزمان ارجع يا زمان.

على فكره موضوع مهم جدا
بس انا اعتقد ان الشباب اللى بيقوموا بالتحرش او المعاكسه غير الائقة
اتحدى ان كلهم مدمنين مخدرات وهذا سبب كل مصائب البشر!!!!!!
وعلى فكره انا عمرى ماعكست حد !!!!!!!!!!!!!!!!!

انا بشكرك يا met3bعلى قراتك للموضوع وانا مش معاك يا met3b فى ان اللى بيتعاطوا مخدرات بس اللى بيعاكس فالكل النهاردة وفى الزمن ده بيعاكس وهى دى المصيبة الكبرى.

بشكرك جداً يا شكسبير على اهتمامك بالموضوع وأنا كمان شفت برنامج الداعية الشاب مصطفى حسنى وأنا معاك فى ان لبس البنات بفى حاجة فظيعة ، بس كمان ديننا الإسلامى الجميل حسنا على عض البصر فنحاول غض البصر شوية ولا ايه، وأنا بشكرك على نصحتك للشباب اللى زيك وهو ده اللى انا عايزاةان الشباب تنصح بعضها.

بشكر mas-tigerعلى رأيك وبقول لك أنا مش متحملة على الشباب ولا حاجة أنا عزراهم فحوليهم الكثير والكثير من الفتن وأنا عرفة كمان ان فى شباب زى الفل لكن انت مش شايف ان الوحشين اكثر شوية والكلام ده مش من عندى شوف فى التليفزيون و الجرائد كام حادثة تحرش ومعاكسة، وعلى فكرة إن شاء الرحمن حكتب موضوع عن البنات اللى انت بتتكلم عليهم.

عموما الشباب مش المشكله

ولا البنات هم المشكله

المشكله فعلا ازاي الشباب وصلوا لمرحله دي

في حاجات كتير لو صح الشباب مش حيلاقي وقت للمعاكسات والكلام الفاضي ده

زي التعليم الي الاصول ياثر علي شخصيه الفرد وتنميته حسب متطلبات المجتمع

وتوفير فرص العمل للشباب علشان يكون نفسه ويتنيل

بدل ما هو فاقد الامل انه حيتنيل فبيلجاء للمعاكسات والكلام الفاضي

بس دي برده مش حجه


المحترم محترم في مكان واي زمان

بشكرك محمد على قرأتك للموضوع وانت ردك مميز

ميما هو العيب فى البنات ولا الولاد؟ انا بقول ان لو الولد محترم اكيد عمرة ما هيتعرض لاى بنت مهما كانت لبسة وفى نفس الوقت بقول ان فى بنات كتير بتتعمد انها تلبس لبس يلفت الانتباة ليها ومع ذلك فى بنات بتبقى لبسة محترم وبردو بتتعاكس والله مش عارفة العيب عند مين بس اكيد الطرفين ممكن يكونوا مسئولين
زهرة المعدية

بشكرك يا زهرة المعدية على قرأتك للموضوع واهتمامك وبحييكى على رأيك،وبقول لك ان سؤالك منطقى جداً العيب فى مين ،أنا رأيى ان العيب على الأثنين ولكن الولاد زودوها فتتخيلى فى حوالى 120حالة تحرش فى العيد دى مصيبة صح.

بشكرك جداًيا mo7aaعلى مشاركتك فى الموضوع وبتمنى اعرف رأيك دائماً .