شعر لشاعر جامد انا بحترمه جدا هو عدى البدايه محمد السيد

نبذه عن الشاعر
شاعر عامى جامد جدا بيوصف كل حاجة بصراحه
كلامه نابع من احساسه
اسمه محمد السيد
عمل اغانى وغنتها ناس
يعنى هو عدى مرحله الدايه
وانشاء الله المواصله للتألق
وهو قال

ليه عايزانى... محمد السيد
ليه عايزانى اكون فى حياتك
زى الموج مايكون فى البحر
يهدى ويعلى ويطلع ينزل
والاخر بيموت ع الصخر
دوامة توديه وتجيبه
دوامه تقسيله حبيبه
ويعيش راضى بكل نصيبه
مد وجذر وبعد و صبر
ليه عايزانى اكون وياكى
زى الشمس تروح وتغيب
لما تحبى ضياها اجيلك
وما تحنى لسهرك اغيب
يعنى اكون موجود على الهامش
بتنفس لكن مش عايش
جنبك لكن لسه غريب
هو انا مش مقسوملى معاكى
انى اقول بقى اسمى حبيب
[size=24]وقال

اعتراف _______ محمد السيد
انا معترف
بان عمرى معاكى اصبح مختلف
بقى احلى م الاحلام كمان
وياكى حاسس بالامان
يا احلى لحظة عشتها
يا احلى واحدة شفتها
يا احلى كلمة قولتها
وهاقول كمان
انتى اللى يامه حلمت بيها
واللى كنت هموت عليها
واللى عشت العمر كله استنى فيها
واللى انا محتاج اليها
محتاج عنيها
محتاج كمان لمسه ايديها
محتاج للحظة اكون معاها
واقولها
انى بجد بحبها
يا دقة القلب اللى لما بحسها
جوع الضلوع
بدخل فى دوامة هواكى
واتمنى فيها كل شئ الا الرجوع

وقال حاجت كتير وحنزلها انشاء الله
قولولى ايه رايكم بقى[/size]

الشاعر ده جامد قوى ياتايجر والله
انا قولتلك يابنى من زمان عرفنى عليه
بس انت مش راضى عموما الشعر جميل قوى
وتسلم ايدك

نعملك ايه يا اوفا ما انت مش بتسمع
الكلام
ما انا قولتلك تعالى على الفيس بوكوانا نظبطلك معاه
يلا حصل خير تسلم يا كبير على ردك وخد دى بقى
منى ليك

قال مصر هى امى _____ محمدالسيد

مصر هى امى
ولابتشتغلنى
انا ابنها وضناها
ولا ابن بالتبنى
بتفرق ليه مابينى
وبين اخويا الكبير
وتطلع ليه فى عينى
لجل ما يلبس حرير
وتقولى اصبر شوية
يا ضنايا يانور عنيا
امى بتضحك عليا
مانا شايف خير كتير
مش لاقى فى بلدى شقة
وامى تقولى الظروف
افطر واتغدى دقة
واللحمة للضيوف
واخويا ابن اللذينا
واخد فيللا فى مارينا
وبسين وكمان جنينة
وانا اسكت غصب عنى
ماهى امى بتشتغلنى
مش لاقى وظيفة ليا
اصرف منها واعيش
ومعنديش محسوبية
بالتالى دخلت جيش
واخويا حظه نار
وبيقبض بالدولار
امى بتدله كوسه
وتصدرلى الخيار

شكرا يا تايجر